TACLOBAN CITY – Padayon iton pagkarawat han buhatan han Department of Health Region 8 han mga records han kaso hiton pertussis.
Sumala kan Jelyn Lopez-Malibago, Information Officer hiton Department of Health Regional Office Vlll, nagtitika-hitaas iton ihap han kaso han pertussis nga nahipapatik ha Sinirangan Bisayas.
Basar hiton pinakabag-o nga datos han Regional Epedimiology Surveillance Unit, ada na ha 102 an ihap han kaso han pertussis nga nahipatik ha rehiyon.
Napulo han nasabi nga ihap an kumpirmado nga kaso samtang, 92 an suspected cases kun diin ha 102 nga ihap in kadam-an han mga ine in nag-eedad hin below 1 year old o 79 nga mga infants an gin duktan han pertussis.
Ha nasabi nga ihap, in 33 naman an padayon nga nagpapaupay, samtang duha naman an nahipatik nga namatay mahitungod han pertussis kun diin an usa hine in suspected case ngan an usa naman in kumpirmado.
Padayon naman an panawagan han nasabi nga buhatan han paghirot kasumpay han nasabi nga sakit.
