ODD NEWS– Ginkokonsidera yana kumo “world’s most extreme café” an Gushi Cliff Coffee ha southeastern China tungod ha gin kakabutangan hine ha ligid han bangin, 60 meters above sea level. Kabalyo ine han 20 ka andana nga building.
Subay ha report, dire madali-dali nga maka-kadto ha nasabi nga coffee shop.
Kinahanglan anay magbaktas an mga turista hin 30-minutos.
Nagkakantidad naman hin 398 yuan o P3,200 an usa ka-tasa hiton kape, ine in may kamahalan, pero ginklaro han tag-iya nga kaupod ha bayad an insurance, safety equipment, serbisyo han guide, ngan waray limitasyon nga oras ha sulod han nasabi nga cafe shop.
Mababaruan nga gin-abrehan ine han 2004, pero han nakalabay la nag viral ha social media matungod ha nakakahilo nga videos han mga turista nga nag-probar ha makaharadlok pero breathtaking nga experyensya.
