NATIONAL – Gin-klaro ni House Secretary General Reginald Velasco an impormasyon kabahin ha P20 milyon nga budget para ha ikatulo nga State of the Nation Address o SONA ni Presidente Ferdinand Marcos Jr., ha Hulyo 22.
Gintagan hin doon ni Velasco nga kaapi na ha P20 milyon pesos an gastuhon ha gin-himo nga pag-aandam han SONA tikang dida hadton Marso 12, kun diin naghimo hin SONA task force.
Kaupod gihapon dinhi an mga Inter-Agency Coordination Meeting nga gin-atinderan han iba-iba nga department ngan buhatan nga kaparte han preparasyon ha SONA.
Sumala kan Velasco, an pagkaon ha adlaw han SONA in para ha mga bisita, internal staff ngan external personnel sugad han pulis nga magbabantay ha seguridad ha Batasan Complex sugad han mga miyembro han Metropolitan Manila Development Authority (MMDA) ngan iba pa nga support staff.
