NATIONAL NEWS– Nagpahayag hin pagkabaraka an House of Representatives ha report nga posible pagbotosan han Senado an desisyon han Korte Suprema kasumpay ha impeachment case kontra kan Vice President Sara Duterte nga dire manla huhulaton an ira legal remedies.
Sumala kan House of Representatives Spokesperson Atty. Princess Abante, klarado nga dire pa pinal an desisyon han Korte Suprema ngan kumo institusyon nga may eksklusibo nga gahom nga mag-initiate o mag-asikaso hin impeachment, maghahaon pa hira hin Motion for Reconsideration.
Ine nga himangrawon hin kasumpay ha constitutional right ngan institutional integrity partikular na nga mayda nakit-an nga factual errors ha iginpagawas nga legal conclusions.
Pagdig-on ni Abante, kinahanglan nga hulaton han Senado nga pamatian han Supreme Court an ginhaon nga MR han Kamara.
