TACLOBAN CITY – Ginlalauman han Philippine Coconut Authority (PCA) Regional Office 8 nga madodoble pa an kabug-usan nga ihap han mga puno hin lubi na nagkadidistroso ha paglasurbo han bagyong Agaton ha rehiyon.
Sumala kan Joel Pilapil, Regional Manager han PCA Regional Office 8, ha pagkayana in maabot ha 8,000 an inisyal nga ihap han mga lubi nga nadistroso han bagyo ha Brgy. Kantagnos ngan Brgy. Bunga ha Baybay City.
Posible naman nga madodoble pa an mao nga ihap tungod nga dire pa lakip hini an mga mga lubi nga nagkatutumba ha iba pa nga barangay han Baybay City ngan Abuyog Leyte.
Ha pagkayana in nabulig naman an PCA ha mga parag-uma nga naapektaran han bagyo pinaagi han libre nga processing fee ha pangutod han kahoy han mga nagkatutumba nga lubi nga pwede magamit ha pagtindog hin mga panimalay nga nagkadidistroso gihapon tungod han mao nga kalamidad.
