TACLOBAN CITY – Pag -ursa hiton ekonomiya ngan pagpuypoy ha insurhensiya ha Eastern Samar iton ginlalauman han mga molopyo ha padayon nga pagsemento han Jipapad- Las Navas Road.
Una hini, dida han nakalabay nga Hulyo 1, gindumara iton groundbreaking ceremony ha Brgy Mabuhay ha bungto han Jipapad para ha pagpadayun nga pag semento han Catumsan-Jipapad-Las Navas road.
Ini nga karsada in may kahilab’un nga 1.3 kilometers ngan ginpondohan hin PhP100-million pinaagi ha bulig ni House Minority Floor Leader Marcelino Libanan.
Sumala kan Jipapad Mayor Benjamin Ver, labot la nga mapapaupay iton pagdara hin mga produkto tikang ha uma tikadto ha merkado, makakabulig gihapon ini nga karsada ha lakat han turismo tungod kon mahuman ini mas magigin madagmit na an pag biyahe tikang ha Eastern Samar tikadto ha Allen port ha Northern Samar han mga nagbibiyahe tikadto ha Luzon.
“Malaking tulong po ito dahil lahat na ng vehicle, mas gagamitin nila yong kalsadang ito kasi mas maikli ang oras biyahe. Madadaanan kami at ang proyekto ito ay magdadala ng mas maraming oportunidas sa amin,” pahayag ni Ver ha pag-atubang ha media.
Labot la hini, ginhihingyap gihapon ni Ver nga ini nga karsada in makakabulig ha pagsolbar hiton insurhensiya ha mga geographically isolated and disadvantage areas ha Eastern Samar kundi ha Northern Samar.
Samtang, ha bahin ni LtCol Rudyard Garcia, commanding officer han 52nd Infantry Battalion, iya gin-aghat an katawhan nga bumulig pagproteher ngan pagsiguro nga matatangpus hin madali an proyekto.
“Kailangan ang tulong ng buong komunidad para masiguro na ang proyektong ito ay matapos sa nakatakdang panahon. Kami ay nangangako na aming proprotektahan ang buong Jipapad- Road road hanggang sa matapos ang proyektong ito,” sumala kan LtCol Garcia.
Dugang han opisyal nga han mga nakabalay nga tuig in inmatubang ha problema ha pagpatuman han proyekto ha bahin han Northern Samar kay ginsunug man han mga New People’s Army an mga ekipahe han construction firm nga nagpapatuman han proyekto.
May ada 24.343 kilometers an kabug’usan nga kahilab’un han Catumsan-Jipapad-Las Navas road ha parte hitun Eastern Samar samtang iton ada ha parte han Northern Samar an kalsada in may kahilab’un nga 29.263.
Sobra PhP2.7 bilyones nga pondo iton kinahanglan basi matima ini nga proyekto.
