INTERNATIONAL – Gin-akusaran ni Israeli Defense Minister Israel Katz an miltante nga grupo nga Hezbollah nga tumalapas ha mga termino han ira ceasefire deal.
Usa ha mga igintutudlok han Israel in an diri pag-atras han Hezbollah ha border nira ha Litani River.
Mahitungod hini, nagpahimatngon an militar han Israel nga kun diri pa sumunod an Hezbollah in mapipiritan hira nga maghimo hin pitad agud masiguro nga talwas an pagbalik han mga residente ha ira kada tagsa nga panimalay.
Samtang, nakabutang gihapon ha nasabi nga kasabotan nga kinahanglan lumakat na an mga sundalo han Israel ha Lebanon pag-abot han Enero 26, 2025.
Manunumduman nga han nakalabay nga tuig in nagkaada hin peace talks an duha nga partido mahuman nga magpabutnga an pira nga nasud.
