TACLOBAN CITY – Magkadurudilain nga mga species, bukog ngan sugad man gihapon mga artifacts an makikit-an ha usa nga exhibit nga gin organisa han Leyte-Samar Heritage Center nga mayda titulo nga ‘Pagsalud han Dan-ag han Adlaw’ o kun Cupping the Flow of Sunlight.
Kakaiba an mao nga exhibit mahitungod nga interactive ini hiya nga mayda tsansa nga mabatian mismo an aktwal nga boses o huni han usa naman nga tamsi.
Kinahanglanon la nga mayda QR code scanner an mobile phones ngan mayda mobile data nga igsscan an QR code han usa naman nga klase han tamsi in mababatian mo na an iya tinuod nga tingog.
Sumala kan John De la Cruz, University Research Associate han UP Visayas Tacloban Campus nga gusto nira nga igpakita ngan igparayaw an karikuhan ha culture and heritage nga mayda an Sinirangan Bisayas.
“Iba-iba nga klase hin display an iyo makikit-an dinhi ha exhibit, mayda paintings han mga endimec birds nga dinhi ha Eastern Visayas natun makikit-an.” yakan ni De la Cruz.
Mayda gihapon hira mga taxidermied specimens sugad hitun isda, lizards, ngan iba pa.
Dugang pa ni De la Cruz nga nahimo nira an exhibit mahitungod han collaborative work han mga magturutdo,researchers ngan iba pa nga taga UP Tacloban ha sulod hin 50-katuig ngan sugad man gihapon an pondo in hatag han UP Visayas Office han Vice Chancellor for Research and Extension, UP Visayas Office of the Chancellor ngan an UP Office of the President.
Makikit-an gihapon ha mao nga exhibit an statwa o an Oblation han UP nga tikang pa mismo ha Laguna nga gindara nganhi ha Tacloban nga himo naman han UP Artist nga hi Gigi Alfonso.
“Bisita kamo ha amon Exbihit kay para makita niyo an culture and heritage nga mayda an Eastern Visayas.” pag aghat pa ni Dela Cruz.
Para naman han gusto nga bumisita in puydi hira mag via booking system nga makikita an google form ha Facebook page han Leyte-Samar Heritage Center.
