TACLOBAN CITY – Aminado an Provincial Tourism Office ha Eastern Samar nga dako an epekto han insurhensiya ha turismo han ira probinsya.
Sumala kan Neil Pinaroc, Provincial Tourism Officer han Eastern Samar, usa ha pinakadako nga balaung ha pagribhong han ira turismo an presensya han insurhensiya ha ira lugar.
Damo manggud daw nga mga turista an nagpapacancel han ira mga bookings ngan nahahadlok ha pagkadto ha mga tourist destinations ha Eastern Samar tungod han mga insidente o engkwentro han mga militar ha mga rebelde nga NPA.
Ini in bisan kun isolated case la an mao nga mga engkwentro ha mga tay-aw nga mga barangay ha Eastern Samar, dako la gihapon an epekto hini ha turismo han ira probinsya.
An mao nga pahayag in kasunod han nahitabo nga engkwentro han mga militar ha mga rebelde kakulop nga adlaw ha Brgy. Osmeña ha Dolores, Eastern Samar.
