TACLOBAN CITY – Usa nga insidente hin pagpapakamatay an nahipatik ha Brgy.
An biktima in usa nga lalaki, 51-anyos an pangidaraon ngan balo.
Sumala kan PCMS Jomar Muertegue, Duty Investigator hiton Palompon Municipal Police Station, nagkamay-ada hin dire pagkakaintindihay an biktima ngan an live-in partner hine kun diin gintagan daw hin maraot nga interpretasyon han biktima an panhitabo nga nagresulta han iya pag-aawat han iya kalugaringon nga kinabuhi.
Basar hiton live-in partner han biktima, usa kaadlaw ugsa an panhitabo in mayda daw tawo nga namiling ha biktima kun diin huna daw hiton biktima in pamilya ine niya sanglit nahadlok daw an biktima nga bangin hiya kuhaon han iya pamilya ngan bayaan niya an biktima.
Nag-iba daw an pan-gios han biktima mahuman an panhitabo ugsa ine nga naghikog.
Gumamit naman an biktima ha pag-aawat han iya kinabuhi hin halipot la nga higot nga gingagamit hine ha pamamasada ha iya naman habal-habal.
