TACLOBAN CITY – Padayon an pahimatngon han mga opisyales han Brgy. 91 Abucay Tacloban City ha mga residente hini nga nag-uukoy harani ha bukid kun diin may nahitabo nga landslide, nga bumakwit ngan bumalhin ha mas talwas nga lugar.
Una hini, mahitungod han waray hunong pag-inuran nagpanpan an tuna tikang ha mao nga bukid nga naging rason para marusdak o lumaprak an simbahan nga nakatindog ha igbaw.
Sumala kan Ricardo Benitez, kapitan han Brgy. 91, Abucay Tacloban, han nakalabay pa nga mga tuig in gintagaan na hin notice an mao nga mga residente sugadman an tag-ada han mao nga simbahan nga bumal-in ha mas talwas nga lugar.Ini in mahitungod nga gumawas ha resulta han assessment han Mines and Geosciences Bureau (MGB) nga delikado na nga ukyan an mao nga lugar mahuman nga makitaan hin mga gutak an bukid.
Nahibaruan nga waray naman naapektaran nga pamilya han nahitabo nga landslide tungod han makusog nga uran.
