NATIONAL – Natuo hi San Beda Graduate of Law Dean, Fr. Ranhilio Aquino nga usa nga maupay nga tyansa para kan VP Sara Duterte an impeachment trial agud mapamatud-an an iya pagigin inosente ha tanan nga mga isyu nga ginpapasaka kontra ha iya.
Sumala hini nga kinahanglan samantalahon han kampo ni VP Sara an trial agud batunon an tanan nga alegasyon ngan ipakita an iya kawaray-sala.
Labot hini, gintagan-doon gihapon ni Fr. Aquino nga an pag-uswag han impeachment process in nagpapakita han accountability ha mga public officials han nasud.
Daw nga ha bisan ano nga estado, hitaas man an posisyon o dire, in sigurado nga mapapagbaton ha pamamaagi han sugad nga pitad.
Samtang, natuo gihapon an legal expert nga maibanan pa an mga articles of impeachment nga ginbug-os han Kamara kontra kan VP Sara samtang mauswag iton trial, sugad han natabo han impeachment trial ni anay Chief Justice Renato Corona.
Usa ha mga gintutudlok ni Fr. Aquino an pananarhog ni VP Sara nga patayon hira PBBM, FL Liza Marcos ngan HS Martin Romualdez kun diin, usa ini nga ginhimo nga grounds han Kamara nga posible matanggal.
An usa mangud nga mabug-at la nga igkakautubang han bise presidente in an daw pagwaldas hini ha CIF han iya opisina matungod nga mayda mangud ini paper trial.
