NATIONAL – Maikokonsidera na nga dismissed o igin basura an impeachment case kontra kan Vice President Sara Duterte kun dire mahuhuman an pagdungog usa an Hunyo 30, 2025.
Ine an iginduon ni Senate Majority Leader Francis Tolentino ha iya manifestation ha plenaryo han Senado.
Sumala kan Tolentino, dire pwede nga tumabok ha 20th Congress an impeachment trial mahitungod ha kawaray hin constitutional authority.
Pag-ekplikar pa hine, 12 nga senadore la an nahisalin ha Kongreso mahuman an eleksyon ngan dire ine supresyente para makabug-os hin qourum.
Samtang, ginbaribaran naman ni Senadora Risa Hontiveros an pahayag ni Tolentino.
Duon pa han Senadora, ha ilarom han 1987 constitution, gin manduhan an Senado nga igpadayon hin waray pagka-delay an natikangan nga impeachment process.
Nabaraka naman an senadora mahitungod ha pauru-utro nga pagka-delay ha proseo han impeachment trial.
Sobra na daw paghinulat han mga Pilipino ngan naglalaum an senadora nga ine na an urhi nga pagka-delay.
