Utro nga ginbibida ha Tacloban City an kakarit ngan creativity han mga lokal nga parag-uma, labi na iton mga coconut farmers ngan negosyante ha Sinirangan Bisayas ha pamamaagi han 2nd Eastern Visayas Regional Coconut Trade Fair nga gintikangan dida han Agosto 13 ngan kutob 16, 2026 ha usa nga mall ha Marasbaras.
Ginpangunahan ini han Department of Trade and Industry Region 8, an mga aktibidad nga may panuyuan nga tagan hin mas halawig nga merkado ngan oportunidad an mga coconut-based micro, smal and medium enterprises o MSMEs ha rehiyon.
Sumala kan DTI-Region 8, Information Officer, Anthea Aivi Borbon-Ancheta nga tampok ha trade fair an magkadurudilain nga produkto nga tikang ha lubi, kaupod an mga processed food products, virgin coconut oil, handicrafts ngan iba pa nga produkto nga nagpapakita han kahaluwag hiton coconut industry.
An aktibidad in kaparte gihapon han padayon nga programa han gobyerno agud mapakusog an industriya han lubi ngan mabuligan an mga parag-uma ngan processors nga makasulod ha mas dako nga merkado.
Dugang pa ni Ancheta nga dire la pagbaligya han produkto an panuyuan han nasabi nga trade fair. Usa gihapon ini nga higayon para ha mga negosyante nga makabiling hin bag-o nga buyers, makagpakilala han ira mga produkto ngan makabug-os hin mga oportunidad para ha pagpapahalawig han ira negosyo.
Naglalaum naman an DTI nga mas mapapahitaas an kantidad han mga produkto nga himo tikang ha lubi ngan mas damo nga mga coconut farmers an makakabenepisyo ha value-adding, product development ngan market expansion.
Samtang, ginaaghat naman an publiko nga bisitahon an nasabi nga trade fair agud suportaran an pankalugaringon nga mga produkto tikang ha Sinirangan Bisayas.
