TACLOBAN CITY – Ginlalauman yana nga tuig nga mahabubo an ihap han mga business establishments ha syudad nga magpaparenew hin permit kumpara han naglabay nga tuig tungod han COVID-19 pandemic.
Sumala kan Colai Go, Director han Tacloban Filipino-Chinese Chamber of Commerce Inc., ginlalauman na nira nga maubos an ihap han mga negosyo nga makakapagrenew hin permit yana nga tuig labi na nga damo nga mga establishmento an nagsara o waray pa bumalik an operasyon tikang han naglabay nga tuig.Ini in mahitungod han duro nga epekto han pandemya kun diin damo an restrictions han LGUs labi na han pira nga mga establishmento nga waray tuguti pag-abre.
Ha kaluyo naman han damo nga establishmento nga nagsara o naundang an operasyon in damo naman an gintindog nga bag-o nga mga negosyo ha syudad mahuman an pira kabulan tikang han pagbutho han pandemya.
