-- Advertisements --
INTERNATIONAL – Nagtitika damo pa an narekord nga namatay ha pagbaha ha Texas USA.
Basar hiton pinakabag-o nga datos, maabot na ha sobra 100 an kumpirmado nga patay.
Sumala kan Texas Gov. Greg Abbott, padayon an pagbibiling han mga rescuers ha dose-dose pa nga nawawara nga mga tawo.
Kasumpay hini, nabulig na gihapon an sobra 20 stage agencies ha pagresponde han mga biktima.
Ginlalauman naman nga mahubas na ngan maupay iton kahimtang han panahon yana nga gab-i han Martes ha Texas ngan ginlalauman gihapon an mas ma-adlaw nga panahon kumpara han mga nakalabay.
Samtang, binmuhos naman an pakikisubo tikang ha magkadurudilain nga parte han kalibutan ha mga pamilya nga nawarayan hin higugmaon ha kinabuhi matungod ha nasabi nga sakuna.
