-- Advertisements --
TACLOBAN CITY – Maabot na ha 143, 882 nga mga botante ha bug-os nga Sinirangan Bisayas an nagparehistro para ha Brgy. ngan SK Elections, upat kaadlaw san-o an deadline hini yana nga Hulyo 23.
Sumala kan Atty. Jose Nick Mendros, Regional Director han Commission on Elections (COMELEC) Regional Office 8, ha mao nga ihap, pinakadamo an mga aplikante nga 15-17 years old nga maabot ha 96, 457.
Ginlalauman naman nira nga mas mahitaas pa an ihap hini ha masunod nga mga adlaw.
Nanawagan gihapon an COMELEC ha mga aplikante o mga botante nga dire na hulton pa an deadline yana nga Hulyo 23 ha ira pagpaparehistro para ha tidaraon nga piniliay yana nga Disyembre.
