NATIONAL–Nadugangan pa ngan nakarekober han Philippine Coast Guard (PCG) hin 3 pa nga bag-o nga mga lawas han pira ha mga pasaheros han nalunod nga MV Trisha Kerstin 3 ha Basilan rason kun kay ano umabot na ha 43 an ihap han mga namatay ha insidente.
Sumala ha pahayag han PCg, usa ha mga lawas an natad-an ha Baluk-Baluk Island lampas alas 10:05 han aga yana nga adlaw samtang han pag abot han 10:28 am duha ka lawas pa an nakuha ha Mataja Island, Basilan.
Mahuman hini, ha nagin pakikipag-koordinar han PCG ha Provincial Disaster Risk Reduction and Management Office (PDRRMO), nagpokus an BRP Capones ha Mataja Island para ha identification ngan proper disposition han mga lawas.
Samtang, nagpapadayon naman an search and retrieval operations para ha mga pasaheros nga dire la gihapon nabibilngan ha presente han mga otoridad.
