TACLOBAN CITY – Ginmalatumat han buhatan hiton Department of Health Regional Office 8 nga padayon nga nagtitikahamubo an kaso nga nahihipatik hiton COVID-19 ha bug-os nga Sinirangan Bisayas.
Sumala kan Jelyn Lopez Malibago, Infromation Officer han DOH 8, nga bisan ha kaluyo nga nagtitikahamubo an kaso, in padayon la gihapon nira nga ginpapahinumdom ha publiko nga dire hingalimtan nga sundon la gihapon an mga ginpapatuman nga safety protocols kontra ha mao nga sakit.
Dugang pa han mao nga opisyal, nga padayon gihapon nira nga gin aaghat an publiko, ilabi na adton waray pa magpabakuna kontra COVID-19 matungod nga nahahadlok pa an mga ine ha magigin epekto han bakuna ha ira panlawas, in dire na magruwa-duha ngan magpabakuna na.
Padayon gihapon hira nga nananawagan para han mga human na nga magpabakuna han ira 2nd dose vaccine, in magpa booster na gihapon agud nga masigurado nga protektado la gihapon an ngatanan, hangtod nga mahuman ine nga pandemya.
