NATIONAL NEWS- Iginpahawas na hiton International Criminal Court (ICC) Office of the Prosecutor an mga detalye han kaso kontra kan anay Pangulong Rodrigo Duterte.
An nasabi nga dokumento in iginsalawad han Office of the Prosecutors nnga nagsusulod hin mga krimen nga gagamiton ha Pre-Trial Chamber.
An Document Containing of the Charges (DCC) in basaran para ha confirmation of charges hearing.
Subay ha dokumento, ginpapagbaton han prosecutors an anay president ha mga masunod nga kaso;
Murder kumo crime against humanity ha Davao City hadton alkalde pa ine han tuig 2013 – 2016.
Murder kumo crime against humanity kontra ha “high value targets” ha magkalain-lain nga lugar ha Pilipinas hadton presdiente ine han 2016-2017.
Kalakip an Murder ngan attempted murder kumo crimes against humanity ha barangay clearance operations ha magkalain-lain nga lugar ha nasud hadton presidente ine han 2016-2018.
Iginpaangbit pa han prosecutors an 49 nga insidente nga nasuporta ha kaso kun diin mayda ine kabug-usan nga 78 nga biktima , 19 biktima ha count 1; 14 biktima naman ha count 2 ngan 45 biktima naman ha count 3.
Mababasa gihapon ha dokumento nga hi Duterte an ada ha luyo han nasabi nga mga kaso matungod ha pag-aalutaga hiton pondo, pagbubutang han mga tinaglawas para matuman an ‘war on drugs’ niya.
Kasumpay hine, iginpagawas han prosecution an “Pre-Confirmation Brief” nga naghahatag han mga detalyado nga eksplinasyon ha prosecutions han mga ebidensya ngan argumento nga nassuporta ha mga kaso kontra kan Duterte.
Manunumduman, nakatalaan unta adto yana nga adlaw hiton Setyembre 23 an confirmation of charges hearing han anay presidente, pero gin-ugsod ine han depensa matungod nga nagkamayda hin isyu ha iya panlawas.
