TACLOBAN CITY – An paghubas han planta ha norte nga dapit han syudad an rason han mahinay ngada ha kawaray awas han mga gripo ha pira nga parte han syudad.
Sumala kan Ronnie Cornico, General Manager hiton Leyte Metropolitan Water District, waray na mga sulod an planta han tubig ha norte samtang an didi naman ha Siren in naghinay na gihapon.
Dire daw manggud urusahon nga mahinay na an mga awas han gripo mahitungod han duro nga kapaso nga gin aabat ngan ada manggud ha butnga han El Niño phenomenon an bug-os nga nasud.l
Kakahimangrawon daw gihapon hine an Prime Water kun anu kay nga ginpa-pull out an duha nga tanker nga nagsusuplay hin tubig ngadto han mga lugar nga waray awas.
Nagpatapod naman ine nga dire niya bubul-iwan an nasabi nga problema samtang dire ine nasosolbar.
