ABUYOG LEYTE–Ginmalatumat ni Hon. Randulfo Cabias, Floor Leader han Sangguniang Bayan han Abuyog Leyte, nga damo an pwede himuon an pangobyernuhan han MacArthur agud nga igpaundang an mga mining operations.
Ginpahayag ni Cabias nga kun hiya an magdedesisyon, pwede igpaundang an nasabi nga operasyon.
Kalakip ha mga nasabi nga pitad nga pwede buhaton an pag-recall han Resolution of no Objection, ngan dire maghatag hin Business Permit.
Pero ha kaluyo hine gintagan duon ni Cabias nga ginrerespito la gihapon niya an desisyon han pamunuan han MacArthur Leyte.
Dugang pa hine, ginduon niya nga an pagdeklara hin persona non grata kontra ha Strongbuilt Mining Corporation in usa nga pitad nga dire han mga ine abre ha pagmimina.
Mababaruan nga pira na nga ginprobaran han mao nga korporasyon nga sumulod in ha bungto han Abuyog tikang pa han tuig 2005 pero ginpahuruhugot han bungto an ira panindugan pinaagi han Resolution 336 series of 2005 kun diin dire gintutugutan an mining exploration ngan application activities sulod hiton 25 katuig.
