TACLOBAN CITY – Pakyas nga makapanholdup an tulo ngada upat nga mga suspek ha Rell’s Pawnshop ha Justice Romualdez St. Tacloban City kanina hiton udto.
Sumala kan PLTCOL Edwin Cañamaque, Chief hiton City Community Affairs and Development Unit han Tacloban City Police Office, tigda sumulod an mga suspek ha mao mga pawnshop ngan nagprobar nga manguha hin alahas.
Dayon nga nakapagpabuto han iya pusil an tag-iya han pawnshop ngan umatras an mga suspek, pero nakapagpabuto pa gihap an mga ini.
Usa naman nga babaye an nasamaran o naigo hin bala.
Ha pagkayana in padayon an hot pursuit operation han mga otoridad mahuman an mao nga insidente.
Nahibaruan gihapon nga an motorisklo nga gingamit han mga suspek para makakalagiw in ginbayaan han nga ini ha may Plaza Libertad ngan ha pagkayana in ada na ha kostudiya han mga kapulisan.
