Mas ma eeksperyensyahan yana nga bulan han Hulyo han mga kunsumidor an mas hitaas nga kabaraydan ha kuryente ha bug-os nga Sinirangan Bisayas kumpara han nakalabay nga bulan mahitungod ha paghitaas han Line Loss and Congestion Cost Charge o LLCC.
Subay ha Federation of Rural Electric Cooperatives in Region 8 (FRECOR), an grupo han 11 nga mga electric cooperative ha rehiyon in nagpahayag han mao nga desisyon mahitungod han gumawas nga datos han LLCC bill yana nga bulan han Hulyo kundiin, tikang Enero hasta Hulyo yana nga tuig in nakapagtala hin kabug-osan nga ₱1.55 bilyon nga LLCC an ginsukot ha mga konsumidor han Rehiyon 8.
Dugang pa hini, an average nga gasto han mga kooperatiba ha pagpalit hin kuryente para han gintatawag nga blended generation rate in nag-umento ngadto ha ₱12.50 kada kilowatt-hour yana nga Hulyo. Karuyag sidngon, ini in nag-umento hin haros ₱5 kun igtanding han Hunyo, o labaw pa hin 60 porsyento.
An average nga kabaraydan han mga konsumidor, nag-umento liwat. Sumala han FRECOR 8, an region-wide average residential rate para hini nga Hulyo, umabot ha ₱19.79 kada kilowatt-hour, mas hitaas hin sobra ₱5 kompara han bulan han Hunyo kn diin, maabut ha PhP5.99 more per kilowatt-hour (kWh) an madudugang ha kada gin kukunsumo nga kuryente o ha ordinaryo nga panimalay nga nakunsumo la hin 51 kwh kada bulan ada ha PhP205 an madudugang ha electricity bill yana nga bulan han Hulyo.
Subay pa han FRECOR 8, an gudti mga panimalay nga nakonsumo hin 51 kWh kada bulan, nga an gamit la in suga ngan bentilador, magbabayad hin kadugangan nga ₱205. Kun mayda naman TV ngan refrigerator, lauman na an kadugangan nga ₱604 ha bill. Ngan kun mas dako an panimalay o sari-sari store nga mayda aircon, posible umabot ha ₱1,208 an dugang nga baraydan.
Samtang adi an gin babana-bana nga power rate increase ha iba nga mga electric cooperatives ha Sinirangan Bisayas.
DORELCO – PhP21.7594 tikang ha PhP13.9393
LEYECO 3 – PhP20.0210 tikang ha PhP15.1305
LEYECO 4 – PhP19.6985 tikang ha PhP15.9958
LEYECO 5 – PhP19.9334 tikang han PhP13.1394
SOLECO – PhP19.8483 tikang ha PhP16.5712
SAMELCO 1 – PhP17.1835 tikang ha PhP12.4145
ESAMELCO – PhP18.4926 tikang ha PhP14.4326
NORSAMELCO – PhP20.1670 tikang ha PhP15.7183
