TACLOBAN CITY – Ginduduso ha pagkayana han pira nga mga historian ha Sinirangan Bisayas nga mabal-in ha Abril 10 an selebrasyon han ‘Araw ng Kagitingan’ imbes nga Abril 9 o yana nga adlaw.
Sumala kan Rolando Borinnaga, kilala nga historian ha Sinirangan Bisayas, nga Abril 10, 1942 an eksakto nga adlaw han pagsurender han sobra 70,000 nga mga sundalo ha mga Hapon durante han Bataan Day.
Ini daw in subay ha diary item han usa nag Amerikano nga educator nga nagtago nganhi ha Leyte.
Kinahanglan daw nga mabag-o an petsa han selebrasyon mahitungod nga an ginsunod han Pilipinas ha Abril 9 an timezone ha Estados Unidos pero ha kamatuoran Abril 10 nahitabo nganhi ha Pilipinas.
Nagtutuo naman ini nga akos pa nga mabag-o ngan maayad an petsa han ‘Araw ng Kagitingan’ pero diri pa ha pagkayana.
Naglalaum ini nga papamatian ngan igkokonsidera an ira panawagan pinaagi han sakto nga proseso.
Mensahe naman hini ha publiko nga padayon nga maging inspirasyon ha mga Pilipino ha pagkayana an naging pagsasakripisyo han aton mga kaapoy-apoyan para ha aton nasud.
Pamatian ta an parte han pamahayag han kilala nga historian ha Sinirangan Bisayas nga hi Rolando Borinnaga:
