ODD – Usa nga higante nga thumbtack nga mayda kahitaas nga 21 feet and 7 inches an ginkilala kumo pinakadako nga push pin ha bug-os nga kalibutan han Guinness World Records.
An Transit Authority of Central Kentucky (TACK) an nagpatikang han proyekto kumo kaparte han renovation han ira headquarter office ha Elizabethtown, Kentucky.
Sumala kan Glenn Arney, Executive Director ngan CEO han TACK, hira mismo an naghimo han higante nga thumbtack. Mahitungod nga mahal an qoute han usa nga kumpanya ha Florida nga nagkakantidad hin $109,000 in nagdesisyon hi Arney ngan tulo empleyado hine nga mag-DIY (do it yourself) nala hira bisan paman kun waray hira experience ha welding.
An usa daw ha ira in nahibaro pa pag-welding tikang ha YouTube.
Mahuman an ira mga paningkamot, nabug-os an thumbtack nga natimbang hin 3,000 lbs ngan lumahon hine ha 19 feet and 8 inches minimum requirement han Guinness rason para makuha nira an record.
An nasabi nga thumbtack in nagserbi kumo panibag-o nga simbolo para ha TACK ngan ha kumunidad han Elizabethtown.
