HEALTH NEWS — An psychosis o psychotic disorder in usa nga mental disorder nga nakakaapekto ha paghunahuna han usa nga tawo ngan ha mga panlantaw o pag intindi hini. Tungod may mga nakikita o nababatian nga diri tinood, nakukurian an tawo nga may psychosis nga mahibaruan kun anu an tinood ngan diri ha palibot.
Kilala gihapon ini kumo main sympton han schizophrenia, usa nga mental disorder kun diin nakukurian an pasyente nga tudlukon kun an an realidad ngan diri.
May pira nga klase hin psychosis nga dapat bantayan:
Bipolar psychosis – Pupuydi nga makaabat an mga may bipolar disorder hin psychosis bisan nga hataas o hamubo an mood han mga ini.
Depression – Ha kaso han grabe nga depression, may kaupod an mga ini nga psychotic episode, rason para mas magin balisa an mga ini o waray ha ira kalugaringon.
Drug psychosis – Gintatawag gihapon nga substance-induced psychosis, an pag abusar ha alkohol, recreational drugs, ngan prescription drugs in nakakaghatag hin psychotic break ha usa nga tawo.
Posible nga makuha an psychosis kun may-ada han mga masunod nga kondisyon:
- Tumor o cyst sa utak
- Dementia, Alzheimer’s disease, ngan iba nga neurological problemssugad han Parkinson’s disease;
- Epilepsy
- Stroke
- Hamubo nga blood sugar;
- Multiple sclerosis
- Stress
Pwede gihapon nga makaapekto ha risk han pagkakamay-ada hin psychosis an pagmana han genes han mga may-ada schizophrenia o bipolar disorder. An hormones in posible gihapon nga makapag trigger han psychosis, labi na ha mga kahuhuman pala manganak. Usa gihapon nga factor an pagkakamay-ada hin chemical imbalance ha utok.
