HEALTH NEWS-An hepatitis B in usa nga sakit ha atay nga nagsasarang pinaagi han pagtapon ha dugo,semilya,o iba pa nga likido tikang ha lawas han tawo nga mayda hine nga sakit.
An mao nga sakit in nagsasarang tikang ha nanay pakadto ha iya baby.
Pwedi gihapon ine magsarang pinaagi han pakikighilawas, pagkakadikit han mga samad, pagkapot ha mga butang nga mayda dugo sugad han pan ahit, toothbrush, ngan dagom nga gingamit ha lawas.
Dire naman ine nagsasarang pinaagi ha simple nga pagkakapotay ngan paghahangkupay sugad man han pagsasaro ha pagkaon ngan irimnon.
Pwedi ine magtikang pinaagi han simple nga trangkaso la.
Nagigin grabe naman ine kun dire natatangal ha immune system an virus ngan kun mag iha pa ine in pwedi ine nga maging hinungdan han paghubag han atay, samad ha tissue han atay nga gintatawag nga cirrhosis o kanser ha atay.
An mao nga kondisyon in kinahanglan hin pagatiman han mga espesyalista ha mao nga sakit.
