NAGPAKITA utro hin kakarit ha pagtanom an beterano nga competitive gardener nga hi Graham Barratt tikang ha Gloucestershire, United Kingdom, mahuman hiya makakrawat hin duha nga bag-o nga world record dida han nakakalaby nga Hunyo 25.
Ginkilala an iya elephant garlic nga may timbang nga 1.75 kilo ngan may kahilapad nga 7.5 inches an timbang ini in kaparehas hiton upat nga football.
An nasabi nga lasuna in 35 ka-beses nga mas mabug-at kaysa ha ordinaryo nga lasuna nga makikit-an ha mga tindahan.
Kaupod han pagkilala ha iya lasuna, ginkilala gihapon an iya pea pod. Natimbang gihapon ini hin 28 grams, lima ka-beses nga mas mabug-at kaysa ha ordinaryo nga snow pea. Mahitungod hini, ginabrihan han Guinness World Records an bag-o nga kategorya para ha heavist pea pod.
Naglalaum hi Barratt nga ha pamamaagi han iya mga record, maaghat niya an iba pa nga mga gardener ha kalibutan nga testingan an sugad nga klase han pagtanom.
