INTERNATIONAL – Padayon an pagduroy han kasamok ha Iran ha ikalima nga adlaw nga haluwag nga protesta kontra ha hataas nga gastuson ngan paghamubo han value han kwarta han nasud.
Sumala ha notisya, duha ka-tawo an namatay ha syudad han Lordegan ha sur-weste nga parte han Iran ngan tulo ka-tawo an napatay ha syudad han Aza ngan usa pa ha Kouhdasht.
Labot la hini in may pira ka-tawo gihapon an namatay ha nagpapadayon nga kasamok ha butnga han mga ralliyista ngan security forces ha magkadurudilain nga syudad ha weste nga parte han Iran.
Dida han Huybes, nagsarang ha social media an mga video nga nagpapakita hin mga sarakyan nga ginsusunog ha butnga han engkwentro han mga rallyista ngan security forces han pira nga lugar.
Panawagan han mga Iranian nga humanon na an pamumuno han supreme leader han nasud, samtang an iba naman in naghahangyo nga ibalik an monarkiya.
Manunumduman nga nagtikang an mga protesta mahuman an tigdaay nga paglaprak han kantidad han Iranian currency kontra US dollar mahitungod hini naglunsar hin mga protesta an mga negosyante nga nasisina ha panibag-o nga paglaprak han kantidad han ira salapi dida han Martes, umapi na gihapon an mga estudyante ngan nagsarang an mga protesta ha magkadurudilain nga syudad han nasud.
