TACLOBAN CITY – Nagpapabilin nga nakapailarom ha hard lockdown an bug-os nga bungto han Guiuan, Eastern Samar mahitungod han padayon nga paghitaas han COVID-19 cases ha mao nga lugar.
Sumala kan Guiuan Mayor Annaliza Gonzales-Kwan, ngada pa han nakalabay nga Enero 13 unta an katapusan nga adlaw han lockdown ha Guiuan pero ginpahalawig pa ini ha sakob hin 14 diyas kun diin mahagos ini tubtob hiton Enero 27.
An extension han mao nga lockdown ha Guiuan in mahitungod han damo nga mga kaso han COVID-19 nga naidugang tungod han naglabay nga holiday break.Mas pinahugot naman an ginbubuhat nga pagbabantay han mga otoridad ha Guiuan kun diin nagkaada hin augmentation hin mga kapulisan ngan kasundaluhan nga mabulig ha monitoring ha mga border control points ngan sugad man ha kada establishmento han bungto.
