NATIONAL – Gin sigurado han Palasyo han Malakanyang nga nakaandam hira nga bumulig in kaso nga hangyuon han InterPol an bulig kasumpay ha daw warrant of arrest nga igin pagawas han International Criminal Court laban kan anay Presidente Rodrigo Duterte.
Gin pahayag ni Palace Press Officer USec Atty Claire Castro nga dire mag-aalang an gobyerno nga igpatuman na warrant of arrest nga gin isyu han ICC kontra kan anay Presidente Rodrigo Duterte basts umagi la ine ha sakto nga proseso ngan nasusubay ha balaod.
Ginmalatumat pa ni Castro nga andma an mga law enforcement agency nga tumanon an ira mandatos kasumpay hine basta hangyon han international police an bulig han gobyerno ngan waray ine gintatalapas nga balaod.
Ha lain nga bahin, gin sigurado naman ni Castro nga pupugngan han gobyerno an bisan nga posible nga kasamok nga igdudurot han pagseserbi han warrant of arrest kan anay Presidente Rodrigo Duterte.
Panawagan pa hi ha mga taga-suporta ni Duterte nga dire na magdig-on ngan dire na makialam ha proseso in kaso nga madayon an pag-aresto han ICC kan Duterte, ngan pabay-an nga gumana an balaod ngan rule of law.
Ha parte naman han anay presidente, syahan na hine nga ginpahayag nga andam ine nga umatubang in kaso nga igpa-aresto hiya han ICC.
