Gumawas ha usa nga bag-o nga pag-aram nga posible nga may kapas an mga giraffe nga umintinde hin simple nga ihap o kadamo, mahuman magdumara hin eksperimento an mga researchers ha upat nga giraffe ha Barcelona Zoo ha Spain.
Ha pag-aram nga gindumara han mga scientists tikang ha University of Barcelona, University of Leipzig, ngan Max Planck Institute for Evolutionary Anthropology, gumamit hira hin duha nga burutngan nga may magkaiba nga kadamo han piraso hiton carrot. Ginpakita anay ini ha mga giraffe ugsa takpan an mga burutngan.
Pagkahuman, ginkita an mga hayop samtang gindudungangan o gini-ibanan han mga tawo an sulod han containers.
Ha mga test kun diin may gindugangan nga carrot, ginpili han mga giraffe an burutangan nga may mas damo nga sulod ha 68% nga higayon. Sumala ha mga researchers, mas hataas ini kaysa ha resulta nga posible makuha kun tsambahay la an pagpili.
Ginklaro naman han mga researchers nga dire karuyag-signgon nga nagku-compute an giraffes sugad hiton tawo, pero ginpapakita hini nga pag-aram nga may basic nga pag-intindi an mga ini ha kadamo nga puydi makaapekto ha ira desisyon.
