NATIONAL – Gin pahalawig pa daw han Court of Appeals an gin isyu nga freeze order ha bank accounts, propyedad, ngan iba pa nga assets ni Kingdom of Jesus Christ leader Pastor Apollo Quiboloy.
Ine an gikumpirma han legal counsel han KOJC ngan hi Atty. Dinah Tolentino-Fuentes dida han nakalabay nga adlaw.
Dugang pa hine, gin pahilawig pa an freeze order kuton ha Pebrero 3 han masunod nga tuig kun diin ha pagkayana in waray pa daw makarawat han ira kampo an kopya han extended freeze order.
Manunumduman nga dida han Agosto 5 in syahan nga gin isyuhan han CA hin 20 kaadlaw nga freeze order an mga propyedad ni Quiboloy kaupod na an KOJC ngan Swara Sug Media Corp. nga nag-ooperate ha Sonshine Media Network Internationalm (SMNI), an media arm han KOJC.
Sakop han freeze order an 10 bank accounts, pito nga real properties, lima nga motor vehicles, ngan usa nga aircraft nga panag-iya han KOJC, sugadman an 47 nga iba pa nga bank accounts, 16 real properties ngan 16 motor vehicles han KOJC.
