TACLOBAN CITY – Patay an usa nga foreign national mahuman nga magbitay ha mismo gawas han panimalay hini ha Brgy. 74 San Gerardo Heights, syudad han Tacloban.
Sumala kan PSInsp. Edwin Cañamaque, hepe han Tacloban City Police Station 2, ginkilala an biktima nga hi Paul Hope, 46 anyos, English National, usa nga chef, ngan place of birth hini ha Maidstone, Kent, England.
Subay ha inisyal nga imbestigasyon, usa ha mga ginhihingita nga motibo ngan rason han pagpapakamatay han biktima an financial problem nira han iya asawa nga hi Maria Hope.
Gintutuuhan nga problemado an biktima mahitungod nga naubos an ira financial savings.
Nahibaruan gihapon nga haros usa pala katuig nga nag-uukoy ha Tacloban an duha nga foreign national.
Ha pagkayana in padayon pa an ginbubuhat nga imbestigasyon han mga otoridad bahin han mao nga insidente.
