TACLOBAN CITY – Padayon pa nga ginpapamulat han Department of Health (DOH) Regional Office 8 an resulta han eksaminasyon nga ginbuhat ha usa 36 anyos nga foreign national ha Tacloban nga ginsususpetsaran nga apektado han corona virus.
Sumala kan John Paul Roca, tagapagyakan han DOH Regional Office 8, ha pagkayana in nagpapabilin nga isolated ngan closely monitored an mao nga pasyente tungod nga maabot ha 14 diyas an incubation period han corona virus.
Dugang pa hini nga ha pagkayana in maupay an kondisyon han mao nga pasyente labot la han gin-aabat hini nga ubo.
Utro naman nga gindig-unan ni Roca nga pagkayana in waray pa kumpirmado nga kaso hin corona virus dire la ha Tacloban kundi ha bug-os nga Pilipinas.
Kun gumawas nga negatibo an mao nga pasyente ha mao nga sakit in dayon naman ini nga igrerelease ngan kun ingkaso nga magpositibo an resulta hini ha corona virus in dayon nga igmomonitor an mga tawo nga nakaistorya o nagkaada hin direkta nga kontak ha mao nga pasyente.
