METRO MANILA – Gintugutan han Department of Education an mga private school nga magpatuman han mas flexible nga learning delivery ngan teacher training ha butnga han nagtitikahitaas nga gastuson han kuryente durot han national energy emergency.
Ha ginpagawas nga memorandum, ginklaro han DepEd nga posible igpadayon han mga iskuylahan an lima ka-adlaw nga face-to-face classes o magpatuman han blended learning agud makabulig ha pag-iban han operational expenses.
Ha ilarum han blended learning guidelines, ginsagdunan an mga iskuylahan nga limitaran ha usa ka-adlaw kada semana an remote classes para ha Kinder kutob Grade 6.
An blended learning in kombinasyon han face-to-face ngan remote learning nga posible igbuhat hin synchronous o asynchronous, gamit an digital o non-digital nga teknolohiya.
Ginmandohan gihapon an mga regional ngan division offices nga bantayan hin maupay an pagpapatuman han mga adjusted learning modalities ha private schools.
