TACLOBAN CITY – Gintikangan nga yana nga adlaw an pagdumara han upat kaadlaw nga Arte Leyte Fashion and Creative Show han Department of Trade and Industry (DTI) Regional Office 8.
Sumala kan Anthea Aivi Borbon-Ancheta, tagapagyakan han DTI Eastern Visayas, an mao nga fashion and creative show in nagpapanuyo nga igpakita ngan igparayaw an magkadirudilain nga mga local designs ngan collections han mga young fashion designers dinhi ha probinsya han Leyte.
Labot la ha fashion show in magkakaada gihapon exhibit para han mao nga mga designs and collections.
Dugang pa hini nga ha mga masunod nga adlaw in magkakada hin cultural show ngan competition sugadman an tourism seminar nga pwede tambungan han ngatanan pinaagi han Department of Tourim (DOT) Eastern Visayas.
