-- Advertisements --
TACLOBAN CITY– Ginpaangbit hiton Department of Agrarian Reform 8, an ira proyekto kasumpay hiton Farm to Market Roads para ha mga parag-uma nga nakukurian nga ma-ideliver an ira mga produkto ha merkado.
Sumala kan Department of Agrarian Reform 8, Regional Director Atty. Robert Anthony Yu, nga ginpapanginano anay nira an tuna , ngan kun pipira an mga parag-uma nga nag-uukoy ha tay-aw nga lugar.
Dugang pa hine, mayda hira nagpaka-tudlok nga mga tinaglawas nga mag i-evaluate ha mao nga sitwasyon, ngan ginpapanginano gihapon han mga ine an nagpakalista ha ira check-list for approval, ngan pananglitan ma-kompleto na an ada ha check-list, in igpapasa naman ine ha central office.
