NATIONAL – Iginkalipay han mga senador an pag-iisyu ni Pres. Bongbong Marcos han Executive Order kasumpay ha dayon nga pag-ban han mga Philippine Offshore Gaming Operations ha nasud.
Sumala kan Senate Committee on Ways and Means Chairman Sherwin Gatchalian, ini in nagpapamatuod ha commitment o patapud han gobyerno nga pagatimanan an mga molupyo ngan nasud tikang ha mga pan-aabuso ngan kadelekaduhan nga dara han POGO.
Gindayaw gihapon han mga mambabalaud an mga ahensiya sugad hiton Presidential Anti-Organized Crime Commission, Philippine National Police, ngan National Bureau of Investigation ha ira agresibo nga pandakop ha mga POGO ha nasud.
Samtang, ginsigurado naman ni Sen. Joel Villanueva nga igtutudlok la gihapon han Senado an pagpapadig-on ha Anti-POGO Act ngan Anti-Online Gambling Act nga an parehos nga panuyuan in humanon ngan sirotan an tanan nga POGO ha nasud.
