Mapaso nga gintapo han Eastern Visayas State University an mga estudyante ha opisyal nga pag-aabri han klase para yana nga school year 2026-2027.
Sumala kan EVSU Information Officer, Jennette Ruedas nga kaupod han opening ceremony in an pagselebrar gihapon han Charter Celebration. Usa nga selebrasyon para han ika-22 ka-tuig nga pagigin unibersidad han eskuylahan.
Dugang hini, nga nagkamayda hin mga magkadurudilain nga aktibidad an unibersidad kun diin, naghatag ini hin kalipay ha mga estudyante.
Ha lain naman nga bahin, gina-adman naman ha pagkayana han mga tagmangulo han EVSU, kun igpapatuman an online classes ha siyahan nga pira ka-bulan han school year mahitungod ha naabatan nga kapaso hiton panahon ha Sinirangan Bisayas.
Sumala kan Ruedas nga samtang waray pa kadugangan nga detalye an unibersidad kasumpay hini, in magpapadayon iton face-to-face classes. Pero ira naman ginpahimatngunan an mga estudyante nga magsul-ot hin bado nga kumportable ngan dire mapaso agud malikyan iton mga heat-related illnesses.
