TACLOBAN CITY– Padayon an pagka-abot han mga delegasyon hiton Eastern Visayas Regional Athletic Association (EVRAA) Meet 2025, ha metro Tacloban yana nga adlaw.
Una hine, nahuman nga mahinungdanon an syahan ngan ika-duha nga hugna han EVRAA 2025, nga gindumara ha Dolores Eastern Samar, ngan Maasin Leyte.
Sumala kan DepEd Tacloban City, Information Officer, Dr. Nilo Eder, han nakalabay nga Marso 1, umabot na an Samar Divison, kun diin an ira magigin billeting school in an Northern Tacloban City National High School.
Dugang pa hine nga ka kulop nga adlaw Marso 2, umabot an Leyte, ngan Borongan City Divison, ngan aadto na gihapon an mga ine ha ira mga billeting school.
Samtang yana naman nga adlaw, ginpapamulat nira an pag-abot hiton Northern Samar Divsion.
Ginpaangbit hine nga magtitikang an paisan-isan dinhi ha metro Tacloban, hiton Marso 5, kun diin titikangan ine hin usa nga parada nga magtitikang ala-1 hiton kulop ha Magsaysay Blvrd. ngan maghuhuman naman ha Tacloban Convention Center Astrodome kun diin pagdudumaraon naman an Opening ceremony han prestihiyuso nga paisan-isan ha ika-tulo nga hugna.
Ginmalatumat gihapon hine, nga gagamiton an pira nga mga eskwelahan kalakip na iton Grandstand ha mao nga paugnat hiton kusog.
Ginsigurado naman ni Eder, nga dire makaka-balaong ha pag-aram hiton mga estudyante ha mga eskwelahan nga gagamiton, matungod nag nagpatuman hira hin modular learning modalities.
Mababaruan nga magdudugay hin 4 ka-adlaw an paisan-isan ngan mahuhuman ine ha petsa 9 hiton Marso han presente nga tuig.
