ODD — Usa nga high school student ha Texas an umabot ha iya skwelahan hin naka hazmat suit tungod ha kahadlok ha COVID-19 ngan ha kawaray niya hin pagtoo ha kapasidad han ira skwelahan nga maprotektaran an mga studyante tikang ha pandemya.
Napiritan hi Mason Kalkofen nga sumulod ha Spring Woods High School nga nakasulot hin kumpleto nga personal protective gear mahuman i-require han eskuwelahan nga sumulod an mga studyante para ha ira final exams.
Ginbuhat ini ni Kalkofen labi na nga high risk ha COVID-19 an iya nanay nga pupuydi nga magkamay-ada hin mga kumplikasyon inkaso nga matapnan hiya hini.
Sumala ha pamilya ni Kalkofen, naghangyo hira ha mga hintutungdan nga online nala unta kuhaon an exams pero waray ini tuguti labi na nga waray pa 1% an nagkakasakit ha eskuwelahan.
