Maisog nga ginbanatan ni Senador Francis “Chiz” Escudero hi Congressman Martin Romualdez ha plenaryo han Senador, kakulop nga adlaw, Setyembre 29.
Iginduon ni Escudero nga dire hiya bisan sanu kakampi ni Romualdez ngan nagdig-on nga aatuhan niya an daw “script ngan sarswela” nga ginpapasarang han kongresista agud lipungon ngan pag-awayon an publiko.
Duon pa han senador, kun karuyag nga lumutaw an ‘tinuod’ nga kamatuuran, mapagbaton an tinuod nga may sala, ngan mapreso an tinuod nga salaan in dire daw dapat kampihan hi Romualdez.
Ginsukna gihapon han senador an taktika ni Romualdz nga pag-awayon an mga opisyal han gobyerno ngan an publiko agud makalikay ha pagbaton.
Sumala pa kan Escudero, klaro nga parte ine han plano ni Romualdez agud lipungon an publiko ngan iglikay an imbestigasyon.
Kinahanglan daw gihapon nga papagbatunon ngan imbestigahan an ngatanan nga gindabi nga mga ngaranan ngan mga nahingaranan nga Congressman, Senador, ngan iba pa nga opisyal—ngan kinahanglan in kaupod gihapon dinhi hi Romualdez.
Dugang pa hine, kinahanglan igrespeto ngan tumuod ha mga testigos nga nagbubuyagyag han kamatuuran, kaupod na hi Sgt. Guteza nga daw waray personal nga interes kundi magsumat han kamatuuran.
Ha paghuhuman han iya speech, gin aghat ni Escudero an publiko ngan igkasi magbabalaod nga dire magpadara ha drama ni Romualdez.
