NATIONAL NEWS– Gin-anunsyo han Commission on Elections (Comelec) nga magtitikang na ha Marso 10 an pre-voting enrollment para ha mga overseas Filipino nga magamit hin internet voting ha May 12 midterm elections.
Subay ha Comelec, kinahanglan nga mag parehistro ha Overseas Voting and Counting System (OVCS) an mga botante nga ada ha Philippine Posts nga nagamit hin internet voting.
Magdudugay naman an nasabi nga enrollment kutob Mayo 7, 2025.
Ginsagdunan an mga botante nga gumamit hin kalugaringon internet-capable device para ha pagpaparehistro ngan panginanuon an iskedyul han mobile pre-voting enrollment ha ira Philippine Post.
Samtang, magkakamayda gihapon hin voting kiosk ha mga Philippine Posts ha panahon han overseas voting.
Pananglitan nga malinapuson an nasabi nga enrollment, pwede nga bumotos online an botante tinikangan Abril 13-Mayo 12, kutob alas 7 PM.
