TACLOBAN CITY- Patay an usa nga electician mahuman nga bun-on han iya la mismo kainom.
Guinkilala an biktima kan Mark Ariap, 29 anyos an panuigon, ulitawo ngan residente han Brgy. 100 Scandinavian Village, Tacloban City.
Samtang, guinkilala an suspek kan Ruel Bustamante, 33 an pangidaron, may asawa ngan residente ha mao nga lugar.
Basar ha inisyal nga imbestigasyon han mga otoridad nga nag-iinom an suspek ngan an biktima kaupod an ira mga kasangkayan kun diin naungkat an away han ira kada tagsa nga pamilya.
Dayon nga kumuha hin pisaw an suspek ha iya panimalay ngan diritso nga guinbuno an biktima.
Guindara pa ha hospital an biktima pero gindeklara han nag-atender nga doctor nga Dead On Arrival.
Samtang, boluntaryo naman nga sumurender an suspek ngan ha pagkayana in nakapaslak na ha lock up cell ngan naatubang hin kaangayan nga kaso .
