-- ADVERTISEMENT --

TACLOBAN CITY – Gintagan hin pagklaro han Eastern Samar Police Provincial Office, an kasumpay ha natad-an nga container nga mayda sulod nga gin-aalegar nga shabu nga naglulutaw-lutaw ha kadagatan han San Policarpo Eastern Samar.

Una hine, damo an nagsasarang ha social media nga waray kamatuoran an nahitad-an ha may San Policarpo nga container nga an sulod in gin-aalegar nga shabu.

Sumala kan PLTCOL. Rommel Cesista, Information Officer, Eastern Samar Police Provincial Office, nga subay ha ginpagawas nga resulta han Philippine National Police Forensic Unit, dire shabu an sulod han container kundi usa la nga yano nga powder.

Dugang pa hine, hapagkayana padayon pa an ira gindudumara nga imbestigasyon, agud nga matudlok kun anu nga klase hiton chemical substance an sulod han nasabi nga container nga nahitad-an ha San Policarpo Eastern Samar.

Manunumduman, nga maabot ha sobra P111M nga kantidad han gintutuohan nga shabu, an nakuha han usa nga parupangisda ha kalalawdan ha parti naman han Brgy. Tangbo, Arteche, Eastern Samar, kalakip na an nasabi nga container ha San Policarpo Eastern Samar

-- ADVERTISEMENT --