TACLOBAN CITY– Padayon nga ginbabantayan ngan ginmomonitor an ginbubuhat nga paghingayad han DZR Airport han Tacloban.
Sumala kan Atty. Buenaventura “Junie” Go- Soco, Representative Private Sector EV Regional Development Council,Former NEDA Vlll Regional Director, nga ha pagkayana simultaneous an paghingayad han tulo nga phase.
Ginpaangbit hine, nga an Phase 1 in dire pa human ngan ongoing pa ine kun diin 10% pa an hurumanon.
Samtang an Phase 2 and 3, in nakakasunod naman ha nakatalaan nga petsa han ira paghingayad, ngan yana in nagpapadayon gihapon ine nga gintratrabaho.
Ginpahibaro ni Atty. Go-Soco, nga kun susumahon human na dapat an paghingayad hine nga paluparan, kun diin maikokonsidera ine nga 2 years na ine delayed.
Ha pagkayana, ginhihingita nira nga pwede na abrihan an mao nga airport ha tuig 2026.
