TACLOBAN CITY – Naugbaw an duha nga panimalay ha nahitabo nga sunog Brgy. Silad Villaba, Leyte.
Sumala kan FO2 Alfred Nartea, Fire Investigator han Villaba Fire Station, an usa ha mao nga mga balay in abandonado na ngan usa la nga pamilya an naapektaran han mao nga sunog.
Subay ha inisyal nga imbestigasyon, nagtikang an sunog ha panimalay nga gintatag-iyahan ni Nilo Latoy kun diin an naging kawsa hini in tungod han pagparukot hin posporo han ira anak.
Una anay nga nag-inaro hin kwarta an 16 anyos nga bata ha iya nanay ngan han waray ini katagi hin kwarta, nasina ini ngan ginbukod pa hin martilyo an iya nanay.
Mahuman ini in kumuha hin posporo an mao nga bata ngan ginparuktan an ira biray kun diin dagmit nga nagsarang an kalayo tungod nga himo ha light materials an mao nga panimalay.
Ha pagkayana in padayon pa an imbestigasyon bahin han mao nga insidente ngan gin-aalegar gihapon nga may problema ha panhuna huna an mao nga bato.
Maabot naman ha P100,000 an kabug-usan nga dayon han mao nga sunog.
