TACLOBAN CITY — Arestado an duha nga mga kalalaken-an mahuman nga magprobar nga manmusil ha usa nga lalake nga ada ha igo nga pangidaron matungod ha gin-aalegar away ha tuna Brgy. 83-C, Taguicktik Tacloban.
An mga suspek in ginkilala nga hira alyas “Rene”, 32-anyos, usa nga parag-uma sugadman kan alyas “Daryl”, 25-anyos, usa nga parupangisda ngan pareho an mga ini nagtikang ha Villareal, Samar.
Sumala kan PCapt. Concas Castillo, Station Commander han Police Station 1 San Jose, nalingkod la an biktima samtang busy ha iya cellphone han may dumaop ha iya nga usa nga lalake nga sakto naman ginkakablit an pusil nga nakakatutok ha iya.
Waray ngadaw makabuto an pusil sanglit nakadalagan pa an biktima ngan nakaaro hin bulig.
Basar ha inisyal nga imbestigasyon, nagawas nga away ha tuna ngan gin-aalegar nga rason han mao nga insidente, daw in ginsuhulan an nasabi nga mga suspek agud pusilon an nasabi nga biktima.
Dayon la naman nga naaresto an mga suspek ha bulig na nagihapon han mga concerned citizens.
Narekober ha mga suspek an 38 revolver nga loaded hin lima nga live ammunitions.
Ha pagkayana in temporaryo nga nakadeteni an mga suspek ha PS1 San Jose ngan gin-aandam na an kaso nga Attempted Murder kontra ha mga ini.
